ليوم ضهر بالكاشف إلي الحزب الحاكم يلعب اخر

ليوم ضهر بالكاشف إلي الحزب الحاكم يلعب اخر أوراقو ، المرور إلى العنف المنظم إلي مهوش جديد و إلي عندو تاريخ قديم منذ أن كان تحت إسم حركة ألإتجاه الإسلامي إلى اليوم ، كل شيء موثق و بالأدلة ، الهجوم على ساحة محمد علي و تحديداً مقر الإتحاد هو محاولة إلى إخماد البركان إلي قاعد يتكون منذ مدة ضد الحكومة " الشرعية " إلي فقدت شرعيتها حسب نظرية حامي حقوق الإنسان السيد المنصف المرزوقي كان نسيت نفكرك بمقولتك الشهيرة " النظام إلي يضرب شعبو يفقد شرعيتو " بعد أحداث سليانة ، بعد هذه الأحداث الأخيرة توجهت انتقادات لاذعة كادت تدهور أخطبوط الحكومة على السيطرة على كامل دواليب الدولة و تبعثر أوراقها والشيء إلي أدى إلى تفكير رأس من رأس الترويكا الحاكمة الممثلة في رئاسة الدولة وبالتحديد في شخص السيد الرئيس في الإنتخابات القادمة ومحاولة تسجيل نقاط أمام الشعب بالإعتراف بالأخطاء و التلويح بحكومة مصغرة ذات كفائات ، الحاصل اللجوء إلى العنف المنظم المختفي وراء حراس الثورة ، الخوف من الإتحاد هو منطقي لأن بيان من طرفو انجم يسقط هذه الحكومة المنتهية شرعيتها كل هذا ازيد إبين و إأكد انو أيام الحكومة أصبحت معدودة ، الله يرحمك يا حشاد كن جيت حي وريت إلي صار ليوم راك قلت يلعن بو النهار إلي ضحيت فيه على خاطركم .. مانيش مستغرب من العنف إلي تمارس فيه حركة النهضة خاطروا يجري في دمها وراضعنو في الحليب العنف هي أمهم و احنا أمنا هي تونس و خسارة إلي عنا نفس الجنسية و متخفوش كن تحسبوا رواحكم أولاد هلتراب وولاد تونس ، تونس تقلكم حليبي حرام عليكم ! #عزيز – avec Alya Baccouche Landolsi.