بربي رسالة للي قاعد اقول شمدخل الحرقة

بربي رسالة للي قاعد اقول شمدخل الحرقة فالسياسة ! ، أيا اجا بابا ! :)) ، المواطن البسيط و الشاب إلي عمرو 27 عام و هو بطال ، علاش بطال ؟ خاطر مكملش قرايتو ، علاش ؟ خاطر بوه مافيحالوش ، علاش خاطروا كان عشا عيلتو مينجمش افطرها ، الولد إلي إيشوف خوه الصغير لابس شلاكة فالعيد و معها سروال وسورية وشادد لعبة ب-500 فرانك و إيشوف بوه امد يدو بش ياخو زكات الفطر من عند العباد ، شنوا تحبو يعمل ؟ ، حط روحك إنت في بلاصتو كي إيشوف ولد حومتو مزهرا معاه و روح ايدز فالفلوس للركبة وعمل 4 عجالي والدزة كاينا ميحسش اقلك خنجرب شبيني أنا ؟ ، وقبل هذا لكل علاش يوصل إخمم هكا ؟؟ وفرتلو إنت خدمة ؟ رسمت بوه إلي نهار يخدم في حضيرة وعشرة لا ؟ خليتو اداوي بلاش ؟ عبرتوو إنت ؟ نحيت الحقرا مل بلد ؟؟ خليتو اعيش مرتاح في بلادو ؟ وقفت اهانات البوليس ؟ جيوب عل سؤالات هذي لكل وقلي عندها علاقة بالسياسة ولا لا ؟؟ و أي واحد فيكم عندو العينة هذم في حومتو ! أحكي معاه وتو تعذروا ، أما هذا ميمنعش ايش خويا ، يا صاحبي ، يا عشيري ، يا ولد حومتي خمم في الحنينة وتبكي إنت وما تبكيش هي ماتخافش اشتدي تنفرجي ! تصبحوا على خير ناس لكل # عزيز