شنوا خسرت أمريكا ؟ من هوني تبدى الحكاية ،

شنوا خسرت أمريكا ؟ من هوني تبدى الحكاية ، مانيش بش نفسر شي أما هاني بش نقول حاجات وإنت حلل و فسر وحدك :)) ، الفيلم ليه عام يدور ، خرج عل النات في 11 سبتمبر ، أول ردة فعل جات في ليبيا مع العلم انو أمريكا عندها الجزء الأكبر من كعكة ليبيا ضد مايسمى بالطاغية القذافي " الله يرحمو " ، مغير منفكركم كيفاش الإسلامين في ليبيا اصلو على علم أمريكا :)) ، ضرورة إعادة تقسيم الخريطة العالمية ، هي من أولويات الولايات المتحدة الأمريكية بعد مايسمى بالربيع العربي ، متحكلي حتى حكاية ليوم وتقلي الأمن مفيبلوش بالمظاهرة و صغار ومعنديش خبرة ، أمريكا هوني تحب تلعب دور الضحية ، نمشيو توا إلى قناة الجزيرة ، اللهم صلي عنبي عليها .. فالمباشر كاميرا حاضرة وتقارير مش حاضرة برك !! :))) ، تي حاصيلوا ، السؤال توا علاش أمريكا تبعث 2 مدمرات في سواحل ليبيا ؟ علاش بعثت طائرات عمودية بدون طيار ، قال شنوا الإستطلاع على مجموعات متطرفة , زعمة مفبلهش بالفيلم إلي بش يهبط ؟ تي نحلف عليها الإستخبارات فاقت بي انا توا إلي شعلت سقارو ! هدف أمريكا بالسماح ليلإسلامين بش يطلعوا للحكم ولاعب دور الضحية هو إعادة تقسيم الخريطة مع محاولة وجود مصالح جديدة ، معناها خمم وقول شنوا مصلحتها حتى جاهل انجم يفهم يا سلفي ! إي إي إنت ياخي ماكش ولد بلادي ؟؟ مهما اختلفنا ياخي نرضى فيك كرتوشة ؟ نحبك تخمم ! ياخي في المغرب ميحبوش رسول الله ؟ شوف كيفاش تظاهروا مغير حتى نقطة دم ! علاه ؟ خاطر أمريكا ماعندها حتى مصلحة فالالمغرب ! الجزائر يا خويا ! حت شي !! مش هكا ، مش هكا تعبر ! يا سلفي يا ولد بلادي ، يا ولد حومتي يا زكيم ! خمم يا خرى ! .. #عزيز