أبو عياض ، و إلا نجمو نقلولك يا سيادة الرئيس

أبو عياض ، و إلا نجمو نقلولك يا سيادة الرئيس ؟ :)) ، سي سيف الله الحسيني " أبو عياض" مفتش عنو بتهمة تنظيم الهجوم على السفارة الأمريكية وقيادته للعملية ، هيا ريت كيفاش أك الريق متع السلفيين ولادنا ، ولازم نأطروهوم و بش اجيبوالنا فكر جديد و باهي ؟ أنا باهي ؟ ..
تونس اليوم ماشية و توخر لتالي على رأي السيد علي العريض ، السلفيين ولاو امثل خطر كبير على بلادنا بعد مارينا قوتهم على الأرض وبهيم إلي اقلك لا لا قوين لا شي ، أما هو علاش قوين خاطر المرشد الأعلى السيد راشد الغنوشي قلك ولادنا ، صغار ، نأطروهم ، نفهموهوم إلخ إلخ إلخ ، سي العريض جاوه من تالي ، سي الحبيب اللوز السلفيين هما إلى يحملوا مستقبل تونس ، إضافة إلى وجود الزعيم الأكبر متاعهم فالمجلس التأسيسي سي الصادق شورو :)) ، أي كهو عاد كتافهم سخان ! .. يعني يرتعو فيها البلاد كما احبوا , والدليل الأكبر ليوم كي السيد رمز المقاومة " حسن نصر الله " متع تونس موجود في جامع الفتح قلك منجموش نشدوه يا صحيبي ! تي نتومة كي تحندرو واحد فالستاد تجبدوه من وسط 50 ألف خاطروا متكيف زطلة !! تتمنكو عل شعب ؟ مو إستعرفو ! خايفين منهم ، جيتو تركحو فيهم لاغراض سياسية ياخي قلبو عليكم الطاولة برى عاد توا اش افظها وهاو بيناتنا الأيمات يا توانسة كان ما نوليوش كيفما الجزائر هاك العام ! #عزيز